1Ti 2 | AAK | STEP | Ámá Jisasoyá sɨyikí̵ imónɨgí̵áyí̵ e e'í̵rɨxɨnɨrɨ rɨrɨmí̵yí̵ seáyɨ e imónɨŋí̵pɨ, ayí̵ rɨpɨrɨnɨ. Ámá ní̵nɨ nánɨ Gorɨxomɨ rɨxɨŋí̵ wurɨyiro yarɨŋí̵ wiiro yayí̵ wiro e'í̵rɨxɨnɨ.

1 Timothy 2

“Ámá ní̵nɨ nánɨ Gorɨxomɨ rɨxɨŋí̵ wurɨyíí̵rɨxɨnɨ.” urɨŋí̵ nánɨrɨnɨ.

1 Ámá Jisasoyá sɨyikí̵ imónɨgí̵áyí̵ e e'í̵rɨxɨnɨrɨ rɨrɨmí̵yí̵ seáyɨ e imónɨŋí̵pɨ, ayí̵ rɨpɨrɨnɨ. Ámá ní̵nɨ nánɨ Gorɨxomɨ rɨxɨŋí̵ wurɨyiro yarɨŋí̵ wiiro yayí̵ wiro e'í̵rɨxɨnɨ. 2 Dɨŋí̵ wɨkwí̵roarɨŋwae'ne pɨyí̵á werane kikií̵á ŋwearane yaní̵wá nánɨ Gorɨxo negí̵ mɨxí̵ ináyí̵yo tí̵nɨ gapɨmaní̵ neameŋweaarɨgí̵á gɨyí̵ gɨyo tí̵nɨ wigí̵ dɨŋí̵ píránɨŋí̵ owimɨxɨnɨrɨ rɨxɨŋí̵ wurɨyíí̵rɨxɨnɨ. Nene “Gorɨxomɨ nɨxí̵dɨro nánɨ píránɨŋí̵ e rí̵a yarɨŋoɨ?” neaiaiwipaxí̵ imónɨŋí̵pɨ erane ámáyo yadɨmɨŋí̵ imónɨŋí̵pɨ wirane yaní̵wá nánɨ rɨxɨŋí̵ wurɨyíí̵rɨxɨnɨ. 3 Ámá e nerónáyí̵, Gorɨxoyá sɨŋwí̵yo dánɨ naŋí̵ ero apánɨ imónɨŋí̵pɨ ero yarɨŋagí̵a nánɨ “Rɨxɨŋí̵ wurɨyíí̵rɨxɨnɨ.” rarɨŋɨnɨ. O nene yeáyí̵ neayimɨxemeaarɨŋorɨnɨ. 4 Ámá ní̵nɨ xwɨyí̵á mí̵kí̵ nepaxɨŋí̵ imónɨŋí̵pimɨ mí nómɨxɨro dɨŋí̵ omópoyɨnɨrɨ wimónarɨŋorɨnɨ. Apimɨ mí ómɨxáná yeáyí̵ uyimɨxemeámí̵ánɨrɨ nánɨ wimónarɨŋorɨnɨ. 5 Nene nɨjí̵árɨnɨ. Ŋwí̵á nepa imónɨŋí̵pɨ, ayí̵ ná wonɨ Gorɨxorɨnɨ. O tí̵nɨ xí̵omɨ sɨpí wikárarɨŋwae'ne tí̵nɨ nánɨ wáwuŋí̵ imónɨŋo, ayí̵ enɨ ná wonɨ Kiraisɨ Jisasorɨnɨ. 6 O Gorɨxo íná e e'wɨnɨgɨnɨrɨ wimónɨŋíná imónáná ámá nɨnenenɨ negí̵ í̵wí̵ yarɨŋwápɨ gwí̵nɨŋí̵ neaíkweawárɨmí̵ánɨrɨ neapeiŋɨnigɨnɨ. Xí̵o nɨneapeirɨŋí̵pimɨ dánɨ sɨwá re'nɨŋí̵ neaiŋí̵rɨnɨ. Gorɨxo ámá nɨyonɨ yeáyí̵ uyimɨxemeámí̵ánɨrɨ nánɨ wimónarɨŋorɨnɨ. 7 Nionɨ Kiraiso e neaiiŋí̵pɨ nánɨ wáí̵ nurɨmeiarɨgí̵áyí̵ wo nimónɨrɨ áwaŋí̵ nurɨmeíwɨnɨgɨnɨrɨ Gorɨxo nɨnɨrí̵pearɨ —Aga yapí̵ bɨ mɨrarɨŋɨnɨ. Nepánɨ rarɨŋɨnɨ. Gorɨxo nɨnɨrí̵pearɨ e'máyí̵ maŋí̵ nionɨyáyo dánɨ xwɨyí̵á nepaxɨŋí̵ imónɨŋí̵pɨ arí̵á niro dɨŋí̵ wɨkwí̵roro epí̵rí̵a nánɨ ure'wapɨyimí̵áonɨ imónɨmɨ nánɨ nimɨxɨŋí̵rɨnɨ. 8 Ayɨnánɨ ge ge Jisasoyá sɨyikí̵ imónɨgí̵áyí̵ Gorɨxomɨ yayí̵ owianeyɨnɨro awí neánɨróná “Oxowa omɨ rɨxɨŋí̵ urí̵í̵rɨxɨnɨ.” nimónarɨnɨ. Ayí̵ “Oxí̵ sɨyikwí̵ mínɨpa nemáná wigí̵ wínɨyo wikí̵ mɨwónɨpa ero xɨxewiámí̵ mɨrɨnɨpa ero yarɨgí̵áwa we' seáyɨ e nɨmí̵eyoaro í̵eapá nemáná rɨxɨŋí̵ urí̵í̵rɨxɨnɨ.” nimónarɨnɨ.

Apɨxíwa epaxí̵pɨ nánɨ urɨŋí̵ nánɨrɨnɨ.

9 Apɨxíwa enɨ ámá Gorɨxomɨ yayí̵ owianeyɨnɨro awí eánarɨgí̵e nánɨ nɨbɨróná píránɨŋí̵ nɨteánɨro aikí̵yí̵ xɨxenɨ wigí̵ yínɨpaxí̵pɨ nɨyínɨmɨ bí̵í̵rɨxɨnɨ. Ámá weyí̵ onearí̵poyɨnɨrɨ dí̵á okiyí̵á ero nɨgwí̵ okiyí̵á inɨro rapɨrapí̵ nɨgwí̵ xwe' roŋí̵yí̵ yínɨro me' 10 apɨxí̵ “Niaíwí̵ Gorɨxoyáíwanexɨnɨ.” rɨnarɨgí̵íwa epaxí̵pɨ wigí̵ ámáyo arɨrá nɨwirɨŋí̵pimɨ dánɨ okiyí̵ánɨŋí̵ iní̵í̵rɨxɨnɨ. 11 Apɨxíwa oxowa ure'wapɨyarí̵ná xwɨyí̵á mɨrí̵ ínɨmɨ nɨwurí̵nɨro arí̵á wíí̵rɨxɨnɨ. 12 Apɨxíwa xe oxowamɨ seáyɨ e nɨwimónɨro oure'wapɨyípoyɨnɨrɨ wɨnarɨŋámanɨ. “Íwa xwɨyí̵á mɨrí̵ ero oxowamɨ maŋí̵ arí̵á wiro e'í̵rɨxɨnɨ.” nimónarɨnɨ. 13 Ayí̵ rɨpɨ nánɨ rarɨŋɨnɨ. Eŋíná Gorɨxo ámá nimɨxɨrí̵ná xámɨ imɨxɨŋo, oxí̵ Adamomɨ nimɨxɨmáná rí̵wí̵yo apɨxí̵ Ipímɨ imɨxɨŋí̵rɨnɨ. 14 Ayí̵ rɨpɨ nánɨ enɨ rarɨŋɨnɨ. Obo yapí̵ wíwapɨyiŋo, ayí̵ Adamomɨmanɨ. Ipímɨ yapí̵ wíwapɨyíáná í xwɨyí̵á Gorɨxo urɨŋí̵pɨ wiaíkiŋí̵ eŋagɨ nánɨ “Apɨxíwa xwɨyí̵á mɨrí̵ ero oxowamɨ maŋí̵ arí̵á wiro e'í̵rɨxɨnɨ.” rarɨŋɨnɨ. 15 Nionɨ e nɨrɨrɨ aí apɨxíwa Gorɨxomɨ dɨŋí̵ nɨwɨkwí̵róa uro ámáyo dɨŋí̵ sɨpí nɨwia uro sɨyikwí̵ mínɨŋí̵ imónɨro nɨteánɨrɨ ero nerónáyí̵, niaíwí̵ xɨrarɨgí̵ápimɨ dánɨ erí̵kiemeánɨpí̵rí̵árɨnɨ.